PROTEJE VITIMAS TRAVIKU UMANU LIU HUSI PARSERIA, IDENTIKASAUN NO REFERAL
Marsu 2016-Maio 2018
Kontaktu: Maria Marilia da Costa, Program Manager at bylah.belun@gmail.com or +670 7727 6671
Projetu ne’e hahú iha Marsu 2016 ho objetivu atu hametin observasaun no kapasita rede referral ne’ebé proteje vítima tráfiku umanu iha Timor Leste. Projetu ne’e kobre munisipiu 2 mak hanesan Dili no Regiao Autonomia Espesiál Oekusi Ambeno (RAEOA).
Atu atinje rezultadu ba projetu, ONG Belun implementa ona atividade hanesan tuir mai ne’e :
- Koleta dadus kona-ba tráfiku umanu
- Belun nia Koordenadór Munisipiu no voluntáriu, Lider lokál no PNTL/Ofisiál Polisiamentu Suku sira tuir ona treinamentu kona-ba oinsá koleta dadus kona-ba tráfiku umanu iha area targetu (Dili no RAEOA)
Durante Marsu 2016, Monitorizadór Belun koleta dadus insidente tráfiku umanu, alende ne’e monitorizadór mós koleta dadus insidente violénsia no situasaun jeral. Hahú husi Marsu, Sistema Atensaun no Responde Sedu (AtReS) koleta ona insidente kona-ba tráfiku umanu hamutuk 13.
Monitorizadór sira ne’ebé hetan suporta husi projetu ida ne’e mós kontribui dadus ba relatóriu Revista Situasaun fulan – fulan, no Alerta ne’ebé publika iha fulan Augusto 2016 kona-ba violénsia ne’ebé hamosu husi Polísia Militár, Alerta kona-ba atake Rama Ambon iha Dili laran no Alerta kona-ba violénsia hasoru feto no labarik feto iha Jullu 2016.