TOTAL INSIDENTE VIOLÉNSIA REKOLLA HAMUTUK 70 IHA PERIODU FULAN MARSU-ABRIL 2021
Belun ho nia Sistema AtReS iha periodu Marsu – Abril 2021 ho apoiu parseiru husi Rede Asia Pacific Partnership Atrocity Prevention (APPAP), kontinua rekolla dadus insidente iha Dili iha postu administrativu Dom Aleixo no postu admnistrativu Cristo Rei, no Likisá iha postu administrativu Likisá Vila, Bazartete no Maubara. Insidente violénsia ne’ebé akontese iha periodu ne’e, hamutuk 70. Numeru insidente ne’ebe rekolla iha periodu ne’e, entre munisipiu Dili ho Likisá kontinua hatudu persentajen ne’ebe boot liu iha munisipiu Dili ho 67% enkuantu iha Likisa ho 33% husi total insidente 70.
Haree husi sexu perpetrador, iha insidente 52 mak envolve mane, insidente 3 mak envolve feto, 2 mak envolve feto no mane, enkuantu insidente 13 mak la hatene envolvimentu jéneru ka deskoñesidu. Perpetrador nia pozisaun ka statussosiál barak liu mak deskoñesidu no seluk hamutuk 28 (ema deskoñesidu 19 no seluk 9). Lee Revista Situasaun Kompletu iha ne’e.