TOTAL INSIDENTE VIOLÉNSIA REKOLLA HAMUTUK 103 IHA PERIODU FULAN MARSU-ABRIL 2021
Belun ho nia Sistema AtReS iha periodu Maiu – Juñu 2021 ho apoiu parseiru husi Rede Asia Pacific Partnership Atrocity Prevention (APPAP), kontinua rekolla dadus insidente iha Dili iha postu administrativu Dom Aleixo no postu admnistrativu Cristo Rei, no Likisá iha postu administrativu Likisá Vila, Bazartete no Maubara. Insidente violénsia ne’ebé akontese iha periodu ne’e, hamutuk 103. Numeru insidente ne’ebé rekolla iha periodu ne’e, entre munisipiu Dili ho Likisá kontinua hatudu persentajen ne’ebe boot liu iha munisipiu Dili ho 62% enkuantu iha Likisa ho 38% husi total insidente 103.
Haree husi jéneru perpetrador, iha insidente 83 mak envolve mane, insidente 6 mak envolve feto, 6 mak envolve feto no mane, enkuantu insidente 8 mak la hatene envolvimentu jéneru ka deskoñesidu. Enkuantu vitima husi insidente ne’e, mane 66, feto 25, no vitima feto no mane hamutuk 11 no la hatene 1. Lee Revista Situasaun Kompletu iha ne’e.