TOTAL INSIDENTE VIOLÉNSIA REKOLLA HAMUTUK 242 IHA PERIODU FULAN JANEIRU-MARSU 2024.
Belun ho nia Sistema atRes iha periodu ne’e ho apoiu parseiru husi UNOPS-PBSO no SASCAS, kontinua rekolla dadus insidente iha munisipiu 6 ho total insidente hamutuk 242 ho percentajen as mak Dili no Ermera; Maske nune’e la dun iha dferensa makaas ho munisipiu haat seluk. Haree husi jéneru perpetrador nian, husi total insidente 242, envolvimentu perpetrador mane hamutuk 212, feto hamutuk 10 envolvimentu mane no feto hamutuk 11, envolvimentu ema deskoñesidu hamutuk 8 no LGBTQ ema nain 1.
Enkuantu vitima iha insidente sira ne’e, mane 120, feto 100, no vitima feto no mane hamutuk 20 no la hatene 2. Perpetrador ne’ebé envolve iha insidente sira jerálmenta mak membru komunidade hela iha uma hanesan ka hela iha uma seluk. Lee Revista Situasaun Kompletu iha ne’e.