TOTAL INSIDENTE VIOLÉNSIA REKOLLA HAMUTUK 166 IHA PERIODU FULAN FEVEREIRU-MARSU 2020
Belun ho nia Sistema AtReS iha periodu Fevereiru – Marsu 2020, ho apoiu husi kooperasaun Alemaña, GIZ kontinua rekolla dadus iha Baukau, Dili, Lauteín no Vikeké no kobre tan ba Covalima husi apoiu UNDP nia fundu kiik ba ambiente no Likisá husi apoiu fundu kiik Sekretariadu g7+. Insidente violénsia ne’ebé akontese iha periodu ne’e, hamutuk 166. Husi total persentajen boot liu akontese iha Baukau ho 33%, tuir fali Dili ho 31%, Likisá 13%, Covalima no Vikeké ida-idak 10% no persentajen kiik liu akontese iha Lauteín ho 2%.
Haree husi sexu perpetrador, iha insidente 145 mak envolve mane, insidente 9 mak envolve feto 9. Insidente ne’ebé envolve autor feto no mane hamutuk 9 no deskoñesidu iha 3. Perpetrador nia estatutu sosiál barak liu mak to’os ka natar ka na’in ba animal 47, membru família ne’ebé hela iha uma seluk 47, membru família ne’ebé hela iha uma hanesan 39, viziñu 32, membru grupu arte marsiál 2, dezempregu 18, estudante 15, ema deskoñesidu 9. Estatutu sosiál sira seluk ne’ebé nia numeru kiik liu mak Mestre/a ka Dosente 2, PNTL 1, Ofisiál governu 1, F-FDTL 1. Numeru aas liu husi estatutu sosiál perpetrador nian mak seluk ne’ebé la inklui iha kategorizasaun no la hatene hamutuk 61 (Seluk 54, La hatene 7). Enkuantu vitima husi insidente ne’e, mane 99, feto 49, no vitima feto no mane hamutuk 16 no la hatene iha insidente 2. Lee Revista Situasaun Kompletu iha ne’e.