Bazeia ba rezultadu monitorizasaun Belun liu husi nia Sistema Atensaun no Responde Sedu (AtReS)1 hetan insidente violénsia no krime eleitorál ne’ebé akontese iha tempu konsolidasaun no kampaña ba eleisaun antesipada parlamentár 2018, hatudu iha maturidade polítiku ne’ebé aas husi povu, nune’e la rejista insidente grave. Maske nune’e, Sistema AtReS mós rekolla krime eleitorál no iregularidade ne’ebé akontese durante konsolidasaun no tempu kampaña ba eleisaun antesipada parlamentár hamutuk 107.
Husi númeru irregularidade no krime eleitorál, akontese dala 84 mak konsidera irregularidade ka krime eleitorál tanba kampaña la tuir regra. Maibé aktu violénsia ka konfrontasaun entre militante akontese dala 20. Krime eleitorál 107 nee akontese iha tempu konsolidasaun hamutuk 10 no iha tempu kampaña hamutuk 97.
Dadus ne’ebé rekolla husi krime eleitorál ka irregularidade akontese dala 84 ho númeru aas liu mak hanesan: hala’o kampaña eleitorál la tuir oráriu ne’ebé CNE determina ona, defamasaun no uza liafuan kro’at entre lider partidu polítiku, sosa votu liu husi entrega premiu oi-oin ba militante, kampaña involve labarik minoridade, halo pertrubasaun no ameasa ba militante husi partidu ida ba partidu seluk, uza patrimóniu estadu ba atividade partidu. Detallu kona-ba karakteristiku insidente hotu ne’ebé rejista bele haree Alerta Kompletu