Alerta AtReS: Insidente Violénsia Eleitorál 41 Akontese Durante Periodu Eleisaun Presidensial, Maski Ladún Sériu

Bazeia ba rezultadu monitorizasaun Belun liu husi Sistema Atensaun no Responde Sedu (AtReS) ba insidente violénsia eleitorál ne’ebé akontese antes, durante no depois votasaun iha eleisaun prezidensial ne’ebé realiza ona iha loron 20 Marsu 2017 rejista insidente 41. Husi insidente 41 ne’e, insidente 6 de’it mak uza forsa fíziku ho maneira asalta malu no tuda malu, no restu envolve violénsia verbal hanesan istori malu, haksesuk malu no hakilar malu. Detallu kona-ba karakterístiku insidente hotu ne’ebé rejista bele haree Alerta Kompletu.