Alerta AtReS: Grupu Arte Marsiais Ilegál Kontinua Hala’o Atividade no Komete Krime Maske Rezolusaun Governu Bandu

Belun ho nia programa liu husi Sistema Atensaun no Responde Sedu (AtReS) halo monitorizasaun ba mudansa situasaun no insidente violénsia rejista katak, violénsia liga ba Grupu Arte Marsiais Ilegál (GAM) komesa mosu fali iha rai laran, hafoin governu hasai tiha rezolusaun NA?.16/2013 ne’ebé bandu ezisténsia GAM (PSHT, IKS no KORKA). Governu mós iha inísiu tinan 2015 halo ona esforsu oin-oin hanesan halo juramentu ba Membru F-FDTL no PNTL, atu la envolve tan iha GAM ne’ebé taka ona. Maske nune’e, iha inísiu fulan Maiu 2015, konflitu ne’ebé liga ba GAM ilegál komesa mosu fali, hanesan insidente ida ne’ebé akontese iha loron 03 Maiu, tuku 04.00 lokraik iha Aldeia Metin IV/Bebonuk, Suku Comoro, Postu Administrativa Dom Aleixo, Munisipiu Dili. Atu hatene informasaun liu tan bele haree iha ne’e.